Понедельник,
18.12.2017,
00:24.

| RSS | Главная | Прп. игумену Борису

Translation site

Меню сайта

Вход

Логин:
Пароль:

Пресса

Теле... радио

   


Архив записей

С Августа 2011

Поиск по сайту

Опросы

Наши опросы

Акафист преподобному игумену Борису

Кондак 1

Избранный угодниче Христов, скорый помощниче и молитвенниче наш, преподобне отче Борисе. Величающе прославльшаго тя Господа, в песнех восхваляем тя с любовию. Ты же, имея велие дерзновение ко Господу нашему Иисусу Христу, от всяких нас бед свободи, зовущих: Радуйся, преподобие отче Борисе, ангелов собеседниче и человеков помощниче.
Икос 1
Ангелов и человеков Творец избра тя изна­чала, да прославиши житием твоим пречудное имя Святыя Троицы, явился бо воистину Ангел на земли: яко луч пресветлый вечнаго Солнца Правды, просветися житие твое. Мы же, зряще прехвальныя иноческия и пастырския труды твоя, с трепетом, благоговением и радостию глаголем ти сицевая:
Радуйся, правило веры православныя и наставниче благочестия; радуйся, того ради удостоивыйся длительнаго безчестия.
Радуйся, в терпении искушенный; радуйся, скорбьми очищенный.
Радуйся, поборниче Божия правды; радуй­ся, наследниче Христовой славы.
Радуйся, гласе смиреннаго Христа; радуйся, глаголе зиждительнаго Духа.
Радуйся, претихое скорбным в гонениих уте­шение; радуйся, живущим в мире присное вразумление.
Радуйся, старче благодатный; радуйся, рай­ская ветвь спасения.
Радуйся, преподобие отче Борисе, ангелов собеседниче и человеков помощниче.
Кондак 2
Ангела-хранителя во святем крещении обретый, от младых ногтей равноангелькаго жи­тия возжелал еси, отче Борисе. Видя Господь сердца твоего расположение к Небесному, приведе тя к иеромонаху Гавриилу, егоже почитал еси, восприим преданность и велию любовь к распеншемуся за ны Христу Богу, Емуже вси со умилением поем: Аллилуиа.
Икос 2
Сердце чисто тебе даровася, святче Божий: от юности твоея не преставая уклонятися от мира сего, не долго учился еси земным на­укам, но возлюбил еси поучения богомудрых отцев святыя Лавры преподобнаго Сергия, Царствия Божия ради и Света Христова. Сего ради приими от нас похвалу сию:
Радуйся, земли сибирския чадо богоизбранное; радуйся, богомудрых учителей измлада имевый.
Радуйся, еще до своего рождения лишив­шийся родного отца; радуйся, с младенчест­ва благочестивой матерью твоею к Небесному Отцу приведенный.
Радуйся, матерью своею во благочестии вос­питанный; радуйся, скорби и лишения понес­ший во очищение души твоея.
Радуйся, издетска навыкший к послуша­нию; радуйся, Богом избранный за кротость и смирение.
Радуйся, от мирских сует отрешивыйся; радуй­ся, вся красная мира сего ни во что же вменивый.
Радуйся, ради жизни небесныя с праведны­ми учителями содруживыйся; радуйся, на будущия подвиги духовником наставленный.
Радуйся, преподобие отче Борисе, ангелов собеседниче и человеков помощниче.
Кондак 3
Сила Вышняго от юности воистину храняше тя, преподобие, матери благочестивей благословение укрепляше тя. Наветы и козни това­рищей по службе армейстей, плотскую брань и срамныя помыслы, вся претерпел еси с кротостию и смирением, в посте и молитве пребы­вая, выну воспевая Господеви: Аллилуиа.
Икос 3
Имея тщание о подвиге иноческаго равноангельнаго жития, житие твое богоугодное в борьбе со страстьми и немощьми проводил еси. Мы же, дивящеся таковому о тебе Божию промышлению, со умилением поем ти:
Радуйся, по благословению старца глинскаго оставити мир решивый; радуйся, послуша­ния к духовному отцу преисполненный.
Радуйся, бдением и пощением страсти плотския умертвивый; радуйся, сердце великое в терпении имевый.
Радуйся, незлобием твоим нападки братии победивый; радуйся, душу свою в скорбех неврежденну сохранивый.
Радуйся, благое иго Христово на себе восприемый; радуйся, Небеснаго Владыки рабе
благий и верный.
Радуйся, соль земли обетованный; радуйся, слезами сеявый, пожавый радостию.
Радуйся, орля юное, имуще криле умныя молитвы; радуйся, елене, взыскавый источни­ки покаяния.
Радуйся, девственниче, разслабленныя укрепляяй; радуйся, духовнаго просвещения покровителю.
Радуйся, мерило праведности и мудрости палато; радуйся, высото разсуждения и смире­ния глубино.
Радуйся, преподобие отче Борисе, ангелов собеседниче и человеков помощниче.
Кондак 4
Божественная благодать осия тя, преподобие отче Борисе, егда приял еси монашеский постриг и посвящение иерейское от святителя Максима. И вся годы священства твоего, егда служил еси Литургию, Божественный свет сия в тебе, подвизая благодарив пети Господеви: Аллилуиа.
Икос 4
Слышаше и видяше житие твое, отче Борисе, и не могуще подвиги твоя уразумети, мнози жители града Тобольска начаша смущатися. Ты же, бурю злых напастей ути­шая, да не искушаются немощныя братия, изшел еси, волю духовника своего исполняя, в Никольский храм града Омска, в немже про­служил еси десять лет. Мы же, любовию к тебе понуждаеми, дерзаем пети ти сицевая:
Радуйся, всего себе терпением обид в жертву Господу принесый; радуйся, на высоту ангельскаго безстрастия скоро возшедый.
Радуйся, монашеский постриг от Владыки Максима приявый; радуйся, в трудах иноче­ских благодатию укрепленный.
Радуйся, от юности твоея приемый благое иго священства; радуйся, истинное достоинс­тво и высоту того показавый.
Радуйся, на пир Царствия Божия званный и избранный; радуйся, просвещенный всецело Божественным светом.
Радуйся, от наветов злых людей град Тобольск оставивый; радуйся, в Никольский храм града Омска пришедый.
Радуйся, пастырский подвиг тамо продолживый; радуйся, мудрость и совет людем источавый.
Радуйся, от бед и скорбей избавление; радуйся, лукавых сердец исправление.
Радуйся, яко унылыя воздвизаеши; радуй­ся, яко слезы покаяния исторгавши.
Радуйся, преподобие отче Борисе, ангелов собеседниче и человеков помощниче.
Кондак 5
Боготечною звездою покаяния возшел еси, отче, над вселенней, лучи сокрушения о люд­ских беззакониих выну испущаяй; озари умы наша к зрению грех наших, да умилостивим Владыку пением: Аллилуиа.
Икос 5
гнилою, данною ти свыше, исполняя послуша­ние, в церкви поучал еси братии и всех к тебе приходящих, блуждающих по морю страст-наго жития сего и погибающих, к Небесному Отечеству смиренно вел еси. Видеша чада твоя пастыря своего, в лепоте души и тела Богу предстояща, и познавша в нем великаго мо­литвенника и чудотворца, согласно возопиша ти, отче Борисе:
Радуйся, учай угождати Неба и земли Царице; радуйся, молитвами Матере милость у Сына обретый.
Радуйся, глашатаю покаяния; радуйся, ходатаю о нас пред Богом.
Радуйся, фиале (чаша) покаяннаго плача; радуй­ся, чистоты сердечныя зерцало.
Радуйся, смиряяй кичливыя умы; радуйся, сокрушаяй гордыя сердца.
Радуйся, утешаяй нас чудесы не ложными; радуйся, яко невозможная другим тебе возможна.
Радуйся, яко скорби наша на радость прелагаеши; радуйся, ты бо от очес наших слезы отираеши.
Радуйся,преподобие отче Борисе, ангелов собеседниче и человеков помощниче.
Кондак 6
Воспевает обитель святаго Варнавы Черниговская подвиги твоя, богоносне угодниче Христов: хотя избран дом Духа Святаго себе сотворити и взем на рамо свое Крест Христов, подъял еси братии ради труды великия по об­новлению и благоустроению разрушенныя обители. Сего ради, познавше благих Подателя Бога, вси со умилением поем Ему: Аллилуиа.
Икос 6
.Новое поприще пастырскаго служения твоего избра Благопромыслитель Господь обитель Черниговскую святаго Варнавы, аможе, по благословению старца Наума, преселился еси, идеже вельми прослави тя Господь Бог. Мы же, любовию твоею побеждаеми, и от усердия нашего вопием ти сице:
Радуйся, ангельское житие нам явивый; радуйся, страсти греховныя вся оставивый.
Радуйся, дом Духа Святаго себе сотворивый; радуйся, познавый при сем вся законы духовныя.
Радуйся, труды по обновлению обители подъемый; радуйся, соблюдый сам вся уставы церковныя.
Радуйся, подвижниче, умом прозорливый; радуйся, монахов наставниче чадолюбивый.
Радуйся, око, боговедением просвещенное; радуйся, деснице, могуществом Его укрепленная.
Радуйся, две златницы, монашества и священства, от Бога получивый; радуйся, с лих­вою цельбы и чудес злато Христу возвративый.
Радуйся, преподобие отче Борисе, ангелов собеседниче и человеков помощниче.
Кондак 7
Проповедниче Единаго Благаго, отче Борисе, тя смирившагося под крепкую руку Божию, Той превознесе; в страстней море пла­вающих не забуди чад твоих, но на брезе сми­рения постави я, да возвеличат Бога нашего, воспевая: Аллилуиа.
Икос 7
Воозсиявшу свету блаженств Христовых, от степени в степень возтекл еси, богомудре отче Борисе: кротостию и миром, воздержанием и любовию душу свою просветил еси, да от нас ныне слышиши сицевая:
Радуйся, носивый ризу смирения; радуйся, обиды покрывавый прощением.
Радуйся, именем Иисусовым насыщенный; радуйся, водами Писаний напоенный.
Радуйся, Христа присное жилище; радуйся, Духа дивное сокровище.
Радуйся, Плоти Христове сотелесниче; ра­дуйся, Крове Святыя причастниче.
Радуйся, пучино щедрот; радуйся, море чу­дес преславных.
Радуйся, благочестивый житием; радуйся, гонимый правды ради.
Радуйся, преподобие отче Борисе, ангелов собеседниче и человеков помощниче.
Кондак 8
Видя враг рода человеческаго чистое и святое житие твое и сердце, любве преисполнен­ное, преподобие Борисе, восхоте разлучити тя с твоею паствою. Ты же, отче святый, яко аг­нец кроток, вся претерпел еси и был Богом на­правлен на новое место служения: обитель Варницкую преподобнаго Сергия, вельми раз­рушенную богоборческими властями. Ты же присно взывал к Богу: Аллилуиа.
Икос 8
Новая жизнь вместе с тобою, отче Борисе, пришла в поруганную святыню. Сам Сергий преподобный помогал ти, и Варницкая обитель засияла ярким светом духовным среди обителей града Ростова Великаго. Паства твоя вновь обрела тя. Молитва и благодать Духа Святаго вернулась в обитель. Мы же восхваля­ем тя, вопиюще сицевая:
Радуйся, во всем видевый Промысл Божий и забывый обиды личныя; радуйся, святыя оби тели преподобнаго Сергия усердный строителю.
Радуйся, явивый силу в немощи; радуйся, в слезах нашедый радость.
Радуйся, водителю к жизни преславней; ра­дуйся, наставниче наш, богоизбранный авво.
Радуйся, душею к Богу стремивыйся Царст­вия ради Божия; радуйся, Царства Небеснаго верный строителю.
Радуйся, Церкве Православныя житие обно-вивый; радуйся, многи иноки в обителех насадивый.
Радуйся, унывающих мирян в скорбех утеше­ние; радуйся, согрешающих людей исправление.
Радуйся, камень преткновения земным обы­вателем; радуйся, Небесных высот достойный обитателю.
Радуйся, ангелом сожителю; радуйся, Горния Церкве служителю.
Радуйся, преподобие отче Борисе, ангелов собеседниче и человеков помощниче.
Кондак 9
Новый удар обрушиша на тя, отче Борисе, князь мира сего, восхоте погубити тя, наведе на тя люди злы, якоже беззаконно по за­висти клеветаша на тя Архиерею. Ты же, отче святый, яко агнец кроток, вся претерпел еси,
за обидящих тя Господеви моляся. Сподоби и нас незлобия твоего, мы же прославим дивная дела твоя и воспоим Господеви: Аллилуиа.
Икос 9
Бурю ярости и гнева воздвигоша безумныя людие, злословя тя, отче святый, на тя Архиерею, он же изгнати тя из обите­ли Сергиево-Варницкой повеле. Обаче благо­дать Божия и во изгнании соблюдоша тя, на-учающе в терпении нести Крест Христов. Мы же, видяше твое смирение, поем всем сердцем умиленным: Аллилуиа.
Радуйся, от клеветы пострадавый доблий мучениче; радуйся, свидетелю веры истинныя.
Радуйся, из обители преподобнаго Сергия изгнанный; радуйся, за обидчиков и клеветников моливыйся.
Радуйся, себе уничиживый, Богом прославленный; радуйся, в последних ходивый, пер­вым поставленный.
Радуйся, святыню Духа носивый в бреннем телеси; радуйся, освятивый души, растленныя страстьми.
Радуйся, мироварнице, миро изливающая; радуйся, чаше духовнаго омовения.
Радуйся, преемниче древних отцев; радуйся,
новый угодниче Христов.
Радуйся, преподобие отче Борисе, ангелов собеседниче и человеков помощниче.
Кондак 10
Блаженны изгнани правды ради, яко тех есть Царство Небесное: бурю гонений и изгнание мужественно претерпел еси и венец не­тленный на Небеси себе уготовал еси. Мы же, видяше велию твою кротость и смирение, поем всем сердцем умиленным: Аллилуиа.
Икос 10
Новаго Завета учитель изряден явился еси, Слово Божие житием своим проповедавый: яко несть наша брань противу плоти и крове, но к миродержателем тьмы века сего. Мы же, о Господе возмогая, вопием ти, отче наш Борисе:
Радуйся, Сына Божия служителю верный; радуйся, Бога Отца духовными очима зревый.
Радуйся, мыслителю добрый и прозорливый; радуйся, грядущая, яко настоящая, провидевый.
Радуйся, часовню преподобнаго Сергия во граде Иванове устроивый; радуйся, храм свя-таго князя Александра Невскаго близ неяже возРадуйся, обитель спасения новую там осно-вавый; радуйся, до конца жития своего там пребывавый.
Радуйся, пастырю немощных доблий; радуй­ся, отче наш милостивый и кроткий.
Радуйся, одержимых бесы свободителю; ра­дуйся, раковыя язвы изцелителю.
Радуйся, преподобие отче Борисе, ангелов собеседниче и человеков помощниче.
Кондак 11
Видя на окраине земли Ивановстей руины древняго монастыря Сошествия Животворящаго Креста Господня, восхоте монастырь сей возродити, глаголя: "Это будет мой последний крест". Темже чада твоя, по кончине твоей, воздвигоша, по молитвам твоим, великолепый храм Крестовоздвиженский. Мы же, радуяся сим велиим трудам во славу Божию, со умиле­нием поем Господеви: Аллилуиа.
Икос 11
Весь был еси в нижних, смиренным пос­ледуя, в вышних с Богом, сиречь с любовию, пребывая, даруй нам, о неботаинниче Борисе, любве познание, во еже пети ти сицевая:
Радуйся, яко пленником содеялся любве Божия; радуйся, яко чад своих любовию пле­нил еси.
Радуйся, выю под иго Спасово подклонивый; радуйся, бремена ближних носивый.
Радуйся, разумниче любве, разум превосходящия; радуйся, полноты Божия вместилище.
Радуйся, в уме держай елика истинна, пре­восходна; радуйся, сердцем любяй елика пре­чиста, доброхвальна и прелюбезна.
Радуйся, древний монастырь Сошествия Креста возродивый; радуйся, твоя же чада сие благое дело завершили, построив храм Крестовоз движенский.
Радуйся, брата родного молитвами своими к монашеству и священству приведый; радуйся, имже в последний путь на земли проводимый.
Радуйся, уснувый плотию на земли; радуй­ся, живый душею на небеси.
Радуйся, в скорби и болезни Небеснаго вра­ча призвавый; радуйся Пречистую деву выну пред собою лицезревый.
Радуйся, преподобие отче Борисе, ангелов собеседниче и человеков помощниче.
Кондак 12
Спасти хотя душу свою, яко деву, Единому Жениху ту обручил еси; ныне же, вшед в
Невестник Христов, с лики девственных, Борисе славне, пребываеши. Пению подо­бает приносимому быти тебе с Неба, а не от земли, о пречудне отче Борисе, Небес бо яв­ление на земли был еси, и к Небеси богомуд-рыми наставлениями твоими умы верных воз­водил еси, и всем нам благодать подаеши от Щедродателя, Христа Бога нашего, Емуже со Ангелы на Небесех выну поеши: Аллилуиа.
Икос 12
Разум и душу богопросвещенны стяжал еси, святче Божий, от юности еоделавша ся вер­ный исполнитель и проповедник заповедей Христовых. Яко многомощнаго молитвенника о нас пред Господем, утешителя и заступника, ублажаем тя и с любовию возглашаем ти сице:
Радуйся, странниче, во отечество Небесное вшедый; радуйся, со святыми общение обретый.
Радуйся, яко угодил еси Богу житием своим; радуйся, Евхаристии пламенный служителю.
Радуйся, по смерти чудес многих источниче; радуйся, притекающим к тебе верный помощниче.
Радуйся, покаянием церковным сердец очис­тителю; радуйся, усердный пред Богом о всех
нас молитвенниче.
Радуйся, преданный своему учителю учениче; радуйся, боговидче преславный, древним подобный.
Радуйся, странниче пути крестнаго; радуйся, наследниче Царствия Небеснаго.
Радуйся, от земных на Небесная пришедый; радуйся, с Небесными сликовствуяй.
Радуйся, яко в сониях и видениях верных посещаеши; радуйся, яко издалече молятся тебе спасаемии.
Радуйся, преподобие отче Борисе, ангелов собеседниче и человеков помощниче.
Кондак 13
О, великий молитвенниче и новый чудотворче, преподобие отче Борисе! Приими ма­лое сие моление наше, в похвалу тебе возно­симое, и, предстоя Пресвятей Троице, молися о всех нас, да обрящем милость у Господа на­шего Иисуса Христа, стяжавше Духа Святаго и познавше Отца Небеснаго, в радости поюще: Аллилуиа.

(Сей кондак читается трижды, затем икос 1 и кондак 1).


МОЛИТВА 1-АЯ
О, великий преподобный отче Борисе, угодниче Христов! Велия пастырския подвиги и труды во славу Святыя Церкве совершил еси, исповедник твердый, богообщения и лицезре­ния Христа уже на земли явися, светом своего боговедения верныя озаряя. На тя бо упование наше ныне возлагаем: услыши нас, грешных (имя рек), молящихся тебе, и подаждь нам твое пастырское святое благословение, и при­неси молитву нашу к милостивому и человеко­любивому Богу, Ему же ныне в радости святых и с лики Ангел предстоиши; буди нам воисти­ну ко спасению путеводитель, приведи нас к не­вечернему свету Христову своим пречудным заступлением, да по словеси твоему молитвен­ному услышим глас Владыки Христа наше­го: Приидите, благословеннии Отца Моего, на­следуйте уготованное вам Царство от сложения мира. Аминь.
Молитва 2-ая
О, всехвальный угодниче Христов, препо­добие отче Борисе, душу Невестой Христовой именовавый и Небесному Жениху навечно ея обручивый; земную сласть ни во что же вменяти, но паче вожделети вечнаго воздаяния учивый! Ты просиял по всей стране нашей Российстей светом своих добродетелей, даром любви и сердечней молитвы. Вся бо ты може-ши у всеблагаго Бога изпросити, яко до кон­ца без ропота претерпевый и от Него венец нетленный приемый. И по отшествии твоем обильно източаеши помощь и утешение всем, с верою к тебе притекающим. Защити нас от зол и болезней, козни бесовския отжени, се­мьи от пагубных страстей и искушений изба-ви, чад возрастить в целомудрии научи. Умоли Господа нашего Иисуса Христа, да простит нам прегрешения наша и сподобит нас в про­стоте сердечней вместе с тобою славити и вос-певати пречестное и великолепое Имя Отца и Сына и Святаго Духа. Аминь.
Тропарь Глас 4
О юности Христа усердно возлюбив, пре­подобие отче наш Борисе, равноангелен еси явился на земли. Яко светозарная звезда, при­шел еси от востока на запад, оставив отечество твое Сибирь. Ты бо на путь спасения нас верно наставляеши, молитвами от бед и напастей охраняеши, в телесных и душевных скорбех утешаеши, паче же смирению, терпению и любве научаеши. Коемуждо страждущему, и нищу и богату, пастырь кроток, утешитель и цели­тель явился еси. И по преставлении своем ис-точаеши различныя изцеления с верою прихо­дящим к честному гробу Твоему, моли Христа Бога спастися душам нашим.
Кондак
Стяжавше дерзновение ко Господу равноангельным твоим житием, велиих дарований приемниче, велиих чудес силою Божиею творителю, исцеляеши недужныя и души верою притекающих ти. Возсиял еси, яко солнце в мире, во обители Небеснаго града ныне ликовствуеши, темже вопием ти: радуйся, пре­подобие отче Борисе, ангелов собеседниче и человеков помощниче.
Величание
Ублажаем тя, преподобие отче наш Борисе, и чтим святую память твою, наставниче мона­хов и собеседниче ангелов.

Празднование



Подпишись

Новости Православного Алтая, Белоярское благочиние

Календарь

«  Декабрь 2017  »
ПнВтСрЧтПтСбВс
    123
45678910
11121314151617
18192021222324
25262728293031

К нам заглянуло

ГОСТЕЙ


Первый раз на сайте?
Жмите сюда: регистрация


ПОЛЬЗОВАТЕЛЕЙ

Сегодня: Georgy

Баннеры сайта

Вы можете использовать приведенные ниже баннеры для ссылки на сайт "http://pravoslavie-alt.ru/". Скопируйте фрагмент html-кода, и разместите его на вашем сайте, блоге, странице. А так же, пожалуйста, применяйте их при использовании нашего материала.


Православный Алтай

<a href="http://pravoslavie-alt.ru"><IMG SRC="http://pravoslavie-alt.ru/Gif/pravalt_2.gif" alt="Православный Алтай"></a>




Православный Алтай

<a href="http://pravoslavie-alt.ru"><img src="http://pravoslavie-alt.ru/Gif/b-88-31.gif" alt="Православный Алтай"></a>

Друзья сайта

    Ссылки
Баннеры

Фотогалерея

СМИ

Православие

Православное христианство.ru. Каталог православных ресурсов сети интернет



  Сайт создан по благословению Управляющего епархией епископа Барнаульского и Алтайского.

Все материалы данного сайта Белоярского благочиния Барнаульской епархии (тексты, фотографии, аудио, видео) могут свободно распространяться любыми способами без каких-либо ограничений по объёму и срокам при условии ссылки на источник (http://pravoslavie-alt.ru/). Никакого дополнительного согласования на перепечатку или иное воспроизведение не требуется.

 

 Copyright MyCorp © 2017

  

Почта сайта: pravoslavie-alt@mail.ru